2017 оны 10 дугаар сарын 25-ны өдрөөс 2017 оны 10 дугаар сарын 28-ны өдрийг хүртэл зарим нутгаар шөндөө 16-21 градус хүйтэл цочир хүйтэрч, салхины хурд 14-20 м/с хүрэн шороон болон цасан шуурга шуурах талаар Цаг уур, орчны шинжилгээний газрын Урьдчилан мэдээлэх хэлтсээс мэдэгдлээ.
Иймд иргэд, малчид орон нутгийн замд явахдаа тээврийн хэрэгслийн техникийн бүрэн бүтэн байдал, найдварт ажиллагаа, хувийн бэлтгэлээ сайтар ханган онцын шаардлагагүй тохиолдолд шөнө, оройн цагаар алсын замд явахгүй байх, малын эрэлд явахдаа цаг агаарын урьдчилсан мэдээ, мэдээлэл авч аюулгүй байдлаа хангахыг Цагдаагийн ерөнхий газрын Урьдчилан сэргийлэх хэлтсээс сэрэмжлүүлж байна.