Түрээсийн орон сууцанд орохоор бүртгүүлсэн иргэдийн сугалааг цахимаар явуулахаар болжээ. Сугалааг ил тод шударга байлгах зорилгоор бүртгэлд хамрагдсан иргэдийн төлөөллийг байлгаж, хэвлэл мэдээллийн хэрэгслээр шууд дамжуулж олон нийтэд хүргэх аж. Журмын шаардлага хангаж бүртгэлд хамрагдсан иргэдийн тоо түрээсийн орон сууцны квотоос давсан тул ийн сугалаагаар сонгоход хүрчээ. Бүртгэлд хамрагдсан иргэдийн материалыг энэ сарын долооны өдөр хүртэл дахин хянан шалгасны дараа сугалааны товыг зарлах юм байна. Түрээсийн орон сууцанд хамрагдахаар гуравдугаар сарын 21-ээс дөрөвдүгээр сарын 1-нийг дуустал нийт 4,000 орчим иргэн хандсанаас 2,262 иргэн бүртгэлд хамрагджээ.
А.САЯН
