Улаанбаатарын хавар” Нийслэлийн Ардчилсан намын баярын хүндэтгэлийн үйл ажиллагаа “Буянт-Ухаа” спорт цогцолборт эхэллээ. Баярын арга хэмжээндээ намын 7000 гаруй гишүүн уригдан оролцож байна. Ардчилсан нам 1990 оны дөрөвдүгээр сарын 7-9-ний өдөр анхдугаар хурлаа хийж байжээ. Тиймээс тус намын Үндсэн дүрэмд намын анхдугаар хурал хуралдсан дөрөвдүгээр сарын 7-ны өдрийг намын баярын өдөр болгон жил бүр тэмдэглэж байхаар тусгасан байна. Энэ жилийн хувьд баярын өдөр нь ажлын өдөр таарсан учир бямба гарагт тэмдэглэхээр болсон бөгөөд цаашид энэхүү тэмдэглэлт өдрөө “Улаанбаатарын хавар” нэртэйгээр тэмдэглэж байхаар шийдвэрлэжээ.
А.САЯН