Өнөөдрөөс эхлэн нийслэлийн тээврийн хэрэгслүүд дугаарын хязгаарлалтын зуны цагийн хуваарьт шилжиж байна.
Нийслэлийн ИТХ-ын Тэргүүлэгчдийн 2014 оны 12 дугаар сарын 15-ны өдрийн 225 тоот тогтоолоор улсын дугаарын хязгаарлалтын цагийн хуваарь, замын бүсчлэлд өөрчлөлт оруулсан. Уг шийдвэрээр дугаарын хязгаарлалтын цагийн хуваарийг улирал хамаарахгүй 08.00-20.00 цаг болгон өөрчилж, замын бүсчлэлийн хамрах хүрээг өвлийн улиралд багасгаж, зуны улиралд тэлэхээр зохицуулалт хийсэн юм.
Үүний дагуу өнөөдрөөс эхлэн 10 сарын 15-ны өдөр хүртэл нийслэлийн иргэд замын хязгаарлалтыг зурагт харуулсан тэлсэн бүсчлэлд 08-20 цагийн хооронд замын хөдөлгөөнд оролцохгүй боллоо.
А.САЯН