Энэ сарын 14-ний өдөр Улаанбаатар хотын Замын цагдаагийн газрын Жижүүрийн шуурхай удирдлагын хэлтэс нийт 288 дуудлага мэдээлэл хүлээн авснаас зам тээврийн ослын 184 дуудлага бүртгэгджээ. Үүнээс гэмт хэргийн шинжтэй гомдол мэдээлэл 14 бүртгэгдэж, 16 хүн хүнд хөнгөн гэмтсэн бөгөөд сургуулийн насны таван хүүхэд зам тээврийн осолд өртсөн тохиолдол гарсан байна. Согтуугаар тээврийн хэрэгсэл жолоодсон 83 жолоочийг журамлан гарч болзошгүй осол хэргээс урьдчилан сэргийлжээ. Нойтон цас ихээр орсны улмаас замын зорчих хэсэгт халтираа гулгаа үүсч, хөдөлгөөний аюулгүй байдалд сөргөөр нөлөөлж байгаа тул замын хөдөлгөөнд оролцож буй жолооч Та бүхэн цаг агаарын нөхцөл байдалд тохируулан тээврийн хэрэгслийн хурдаа зөв сонгож, анхаарал болгоомжтой зорчихыг Улаанбаатар хотын Замын цагдаагийн газраас анхааруулж байна.
А.САЯН