Улаанбурхан өвчний өвчлөл буурахгүй бага насны хүүхдүүд эндэж байгаа тухай мэдээлэл хэвлэлээр цацагдсаар байна. Улаанбурхан өвчнөөр өвчилсөн хүүхдийн тоо зөвхөн 3 дугаар сард 383-д хүрсэн хэмээн албан бус эх сурвалж мэдээлжээ. ХӨСҮТ-ийн гадаа хүүхдээ асарч, хамт байж чадахгүй байгаа эцэг эхчүүд машиндаа байрлан хонож байгаа тухай жирийн иргэд мөн хэвлэл мэдээлэлд хандсаар байна.
Манай Сontrol.mn-д өгсөн мэдээллээр урьд шөнө хүүхдээ сахисан арга гэрийнхний 30 гаруй машин уг эмнэлгийн гадаа хоносон бөгөөд зарим нэгэн хөхүүл эхчүүд гадаа нь байрлан орж хүүхдээ хөхүүлж байгаа юм. Тус эмнэлгийнхэн ачаалал ихтэй байгаагаас өвчтөний биеийн байдлын талаар мэдээлэл хүргэхгүй байгаад ар гэрийнхэн нь ихэд бухимдалтай байгаа аж.
Урьд шөнө 2 хүүхэд, үүрээр 1 хүүхэд эндсэн тухай гадаа нь байрлаж байгаа эцэг эхчүүд мэдээлэл өглөө. Удахгүй манай сэтгүүлч газар дээрээс нь нөхцөл байдал ямар байгаа талаар мэдээлэл хүргэнэ.
Аргаа барсан ар гэрийнхэн нь Хүүхдийн хөшөөнд хадаг сүү өргөсөн дүр зурагтай өдөр шөнийг өнгөрүүлж байгаад эрх бүхий байгууллагууд шуурхай, яаралтай арга хэмжээ авах цаг болжээ.
Х. АЯЛГУУ