Улаанбурхан болон бусад халдварт өвчнөөр эндсэн хүүхдүүдийн дурсгалд зориулсан тайван жагсаал өнөөдөр 17:00 цагт Зайсан дахь Бурхан багшийн цогцолборт болно. Он гарсаар Улаанбурхан өвчний улмаас 61 хүн нас барснаас 59 нь 0-8 сартай нялхас ажээ. Тиймээс энэ аюултай өвчний эсрэг дуугарч, уг өвчний улмаас хорвоог орхисон бяцхан үрсийн гэгээн дурсгалыг хүндэтгэх, олон нийт эрх баригчдын анхаарлыг энэ асуудалд хандуулах зорилготой жагсаал зохион байгуулж буй юм.
Зохион байгуулагчдын зүгээс тайван жагсаалд оролцох хүмүүсийг амны хаалттай ирэхийг сануулж байна.
А.САЯН
