Төрийн орон сууцны корпорациас “Төрийн түрээсийн орон сууцанд иргэдийг бүртгэх, сонгон шалгаруулах, түрээсийн орон сууцанд хамруулах ажлыг зохион байгуулах журам”-ын дагуу долоон ангиллаар иргэдийг 2016 оны 3 дугаар сарын 21-ны өдрөөс 4 дүгээр сарын 1 хүртэл хуваарийн дагуу бүртгэн материалыг хүлээн авсан.
Бүртгэлд нийт 2400 гаруй иргэд хамрагдсан бөгөөд бүртгэлд хамрагдсан иргэдийн материалыг нягтлан шалгах ажиллагаа хийгдэж дуусчээ. Цахим сугалаанд оролцох иргэдийн нэрсийг 2016 оны 4 дүгээр сарын 18-ны буюу өнөөдөр Төрийн орон сууцны корпорацийн www.tosk.gov.mn сайтад мэдээллэх бөгөөд иргэд өөрсдийн биеэр ТОСК-ийн байранд ирж сугалаанд оролцох эсэхээ тодруулж болох нь. Харин цахим сугалааг 4 дүгээр сарын 28-ны өдөр зохион байгуулахаар болжээ.
А.САЯН