БАЯЖУУЛСАН ХҮНС БОЛОХЫГ ИЛЭРХИЙЛСЭН ТЭМДЭГ, ЛОГОНЫ УРАЛДААН ЗАРЛАЖ БАЙНА

Монгол улсын Их хурлаас “Баяжуулсан хүнсний тухай хууль”-ийг 2018 оны 05 дугаар сарын 03-ны өдөр баталсан.

Засгийн газраас 2018 оны 10 дугаар сарын 31-ны өдрийн  336 тоот тогтоолоор “Албан журмаар баяжуулах хүнсний жагсаалт”-ыг баталсан. Энэхүү жагсаалтад “Буудайн гурил. Техникийн ерөнхий шаардлага MNS 0244: 2009” стандартад заасан буудайн гурилын БГ-075, БГ-085 БГ-055 ангиллын буудайн гурил болон талхны зориулалтын БГТ-075 гурил болон давсыг баяжуулахаар шийдвэрлэсэн.

БАЯЖУУЛСАН ХҮНС БОЛОХЫГ ИЛЭРХИЙЛСЭН ТЭМДЭГ, ЛОГОНЫ УРАЛДААНЫ УДИРДАМЖ

1.Уралдааны зорилго:

Баяжуулагч бэлдмэл, баяжуулсан хүнс болохыг илэрхийлсэн тэмдэг, тэмдэглэгээний загвар, болгон ашиглах логог бүтээх, олон нийтэд хоногшуулах зорилготой.

2.Хугацаа:

2019 оны 5 дугаар сарын 28-ноос 6 дугаар сарын 15.

3. Хамрах хүрээ:

Загвар, дизайн, зургийн бүх мэргэжлийн уран бүтээлчид, сонирхогчид оролцох боломжтой. Нэг уран бүтээлч дизайны хэдэн ч шийдэлтэй оролцож болно.

4. Бүтээлд тавигдах шаардлага:

1. Баяжуулсан хүнсний тухай хууль, хүн амын эрүүл мэндийг хамгаалах зорилготой нийцсэн;
2. Шинэ санаа, санаачилга дэвшүүлсэн, сэтгэлгээний өндөр түвшинд хийгдсэн;
3. “Баяжуулсан хүнс” утга санааг бэлгэдсэн гурваас дээшгүй элемент агуулсан, гурваас ихгүй өнгө хосолсон, энгийн өгүүлэмжтэй, уран сайхны хувьд төгс байх;
4. “Баяжуулсан хүнс” гэж бичигдсэн;
5. Adobe Photoshop, Corel Draw, In Design зэрэг мэргэжлийн программ ашигласан;
6. Видео, сурталчилгааны самбар, сонин сэтгүүл, зурагт хуудас, даавуун болон бусад материал дээр хэвлэгдэх боломжтой;
7. Лого нь өндөр нягтралтай /300dpi-аас багагүй/ байх бөгөөд жижгээс том хүртэл хувиргахад харьцаа алдагдахгүй, үндсэн элементүүд тод харагдахаар зохиогдсон;
8. Бусдын бүтээлээс хуулбарласан, санаа авсан, тэдгээрийн элемент агуулсан бол хүлээн авахгүй.

5. Уралдаанд бүтээл ирүүлэх:

Уралдаанд оролцогч нь бүтээлээ JPEG өргөтгөлөөр буулгаж, утга санаа, тайлбарын хамт Хүнс, хөдөө аж ахуй, хөнгөн үйлдвэрийн яамны албан фейсбүүк хуудсанд дээр дурдсан хугацаанд багтаан ирүүлнэ.

6. Шалгаруулах:

Ажлын хэсэг бүтээлийг хүлээн авснаас хойш ажлын 3 хоногийн хугацаанд нийт бүтээлээс шилдэг нэг бүтээлийг сонгон шалгаруулж, www.mofa.gov.mn хуудсаар нийтэд зарлана. Шалгарсан бүтээл нь тус яамны өмч болно. Холбоо барих утас: 261962.

7.Шагнал: Шилдэг бүтээл - 500 мянган төгрөг.