70 ГАРУЙ ЦЭГЭЭР 600 ОРЧИМ НОГООЧИД ХЯМД ҮНЭЭР ХҮНСНИЙ НОГООГОО ХУДАЛДААЛЖ БАЙНА

2019-08-26  
 

ХХААХҮ-ийн сайд Ч.Улаан, ХХААХҮЯамны ГТБХЗГ, Нийслэлийн ХХААГ-ын холбогдох албаны хүмүүс өнгөрсөн амралтын өдрүүдэд 2019.08.24 нийслэл хотод ажиллаж байгаа хүнсний ногооны борлуулалтын цэгүүд болон томоохон хүнсний ногооны зоорь бүхий аж ахуй нэгжүүдийн ажил байдалтай танилцлаа.

Нийслэлийн хэмжээнд нийт хүн амын хэрэгцээт төмс 54,6 мян,тн, хүнсний ногоо 118,3 мянган тонн хэрэгцээтэй гэсэн статистик тоон судалгаа байдаг. Улсын хэмжээнд төмс 100 %, хүнсний ногоо 56% -ийг хангаж, үлдэгдэл хувийг импортоор авдаг байна.

2013 онд  Засгийн газрын 248-р тогтоолоор Улаанбаатар хотын 5 дүүргийн  25 цэгт хүнсний ногоо хямд үнээр худалдан борлуулах цэг ажиллуулж эхэлсэн байдаг. Эдгээрээс  таван цэг  нь 24х8 хэмжээтэй том асрууд  бөгөөд энэ цэгт 30-35 ногоочин борлуулалт хийх боломжтой байдаг юм. Мөн  20 чингэлэг бүхий худалдааны цэгээр  нийт  120 гаруй ногоочид борлуулалтаа хийдэг байжээ.  Нийслэлийн Засаг Даргын 2016 оны А630 дугаар захирамжийн дагуу нэмэлтээр 43 цэгийг нэмж байгуулсан байна. Өнөөдрийн байдлаар  70 гаруй цэгээр 600 орчим ногоочид Улаанбаатар хотын хэрэглэгчдэд   эрт ургацын болон дундын ургацын ногоог зах зээлийн үнээс 200-500 төгрөгийн хямдралтайгаар худалдаалж байна.

Жил бүр салбар яамнаас зохион байгуулдаг  Алтаннамар,  Намрын ногоон өдрүүд арга хэмжээгээр мөн орон нутгаас 350 гаруй ногоочид ирж эрт болон дундын ургацаа борлуулдаг. Өнгөрсөн жил Намрын ногоон өдрүүд арга хэмжээгээр орон нутгийн ногоочид   4 тэрбум төгрөгийн борлуулалт хийж байжээ.

Төмс хүнсний ногооны үнэ хямд, олдоц арвин байх үед томоохон сүлжээ дэлгүүр, зоорь бүхий аж ахуй нэгжүүд их хэмжээгээр нөөцлөн авч зохиомлоор үнэ өсгөх явдал гардаг учраас энэ асуудалд тодорхой хяналт тавьж ажиллахыг ХХААХҮ-ийн сайд хариуцсан албаны хүмүүст анхаарууллаа.

Мөн ХХААХҮ-ийн сайд хүнсний ногооны хадгалалтын томоохон зоорь бүхий MTS агро, Дельта холдинг, Органик солюшн зэрэг аж ахуй нэгжүүдийн зоорийн хүчин чадал, багтаамж, боломжийг үзэж танилцаад цаашид ХХААХҮЯамны захиалгаар  НХХААГ хариуцан ажиллаж буй Улаанбаатар хотод төмс хүнсний ногоо худалдааны цогцолбор  ложистикийн төв байгуулах ажлыг эрчимжүүлэх шаардлагатай байгааг онцоллоо.

Улаанбаатар хотод төмс хүнсний ногоо худалдааны цогцолбор  ложистикийн төв ашиглалтад орсноор  16 мянган тонн хүнсний ногоо, мах махан бүтээгдэхүүн, жимс жимсгэнийг зориулалтын дагуу хадгалахаас гадна нийт 1000 хүний ажлын байр бий болох юм.  Хүнсний ногоо, мах махан бүтээгдэхүүн, жимс жимсгэний хадгалалт борлуулалтын үйл ажиллагаа нэг дор төвлөрсөн  байдлаар явагдаж эхэлбэл  чанар стандарт, худалдааны хяналт  сайжрахаас гадна зохиомлоор үнэ өсгөхөөс сэргийлж чадна гэж үзэж байгаа юм.  Энэхүү цогцолбор төвийг 2020 оны 6 сард ашиглалтад оруулахаар төлөвлөж байна.

Хүнсний ногоог хямд үнээр борлуулж буй томоохон цэгүүдийн мэдээлэл

  • Баянзүрх дүүрэг 3-р хороо Скай худалдааны төвийн гаднах талбай
  • Чингэлтэй дүүрэг Барилгачдын талбай
  • Сонгинохайрхан дүүрэг 17-р хороо Цамбагаравын задгай талбай

Баянзүрх дүүрэг 3-р хороо Скай худалдааны төвийн гаднах талбайн хүнсний ногооны худалдааны үнэ ханшийн мэдээлэл КГ, Төгрөгөөр

Төмс 700

Байцаа 850

Шар, хүрэн манжин 2000-2500

Сонгино 1700-2000

Өргөст хэмх 3000-3500

Навчит ногоо 1500-2500

Тарвас 1500

Шар лууван 1700-1800

Цагаан мөөг багц-3500

Сармис сүлжээсээр 15000-18000

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТА СЭТГЭЛ ЗҮЙН ОНЛАЙН СУРГАЛТАНД ХАМРАГДАХ ХҮСЭЛТЭЙ БАЙНА УУ ?