НИТХ-ынТэргүүлэгчдийн ээлжит хуралдаанаар Нийслэлийн Засаг даргын нөөц хөрөнгөөс түргэн тусламжийн 10 авто машин худалдан авах тухай асуудлыг хэлэлцэн баталсан байна.
Өнөөдрийн байдлаар Улаанбаатар хотын хэмжээнд эрүүл мэндийн яаралтай түргэн тусламжийн үйлчилгээнд 70 машин явж байгаа юм. Олон улсын стандартаар 8-10 мянган хүн тутамд нэг дуудлагын машин байх ёстой бөгөөд энэ стандартаар түргэн тусламжинд 130 авто машин үйлчлэх учиртай юм. Эдгээр 10 автомашин нь тэрбум 30 сая төгрөгийн өртөгтэй бөгөөд түргэн тусламжийн үйлчилгээгээр бүрэн тоноглогдсон байна.
Мөн нөгөө талаар нь энэ нь АСЕМ-ийн зочид төлөөлөгчдийн эрүүл мэнд, аюулгүй байдлыг хангах үүднээс түргэн тусламжийн автомашиныг нэмэгдүүлж байгаа юм. Шинээр худалдан авсан түргэн тусламжийн машинуудыг АСЕМ-ын уулзалтын үеэр дүүргүүдийн түргэн тусламжийн үйлчилгээ үзүүлэх цэг болон зочид төлөөлөгчдийн байрлах газруудад байршуулах юм байна.
Х. АЯЛГУУ