Албан үүргээ гүйцэтгэж явсан цагдаагийн албан хаагчийн аминд хүрээд өөрийгөө боомилсон ноцтой хэрэг өнгөрсөн бямба гарагт Өвөрхангай аймгийн Есөнзүйл суманд гарчээ. Тухайн өдрийн өглөө тус сумын цагдаагийн хэлтэст гэр бүлийн хүчирхийлэлд өртсөн иргэнээс дуудлага мэдээлэл ирсэн байна. Дуудлагын дагуу тус сумын цагдаагийн алба хаагч тухайн айлд очиход гэр бүлийн хүчирхийлэл үйлдэж байсан этгээд цагдаагийн алба хаагчийг бууджээ. Гэмт этгээд 29 настай Б гэгч цагдаагийн аминд хүрсэн даруйдаа оргон зугтаж, улмаар тус сумын цагдаагийн газраас дуудлага дуудаж, төвөөс тусгай нэмэлт хүч ирж, хэрэгтнийг эрэн хайсны эцэст ууланд боомилсон байдалтай амиа хорлосон байхыг нь олсон байна. Цагдаагийн дэд ахлагч Б нь Хууль сахиулах их сургуулийг 2013 онд төгсч Өвөрхангай аймгийн Өлзийт суманд ажиллаж байгаад өнгөрсөн 9 сараас Есөнзүйл суманд шилжиж очоод байжээ.
А.САЯН