Нийслэлийн Засаг даргын захирамжаар Автотээврийн болон өөрөө явагч хэрэгслийн албан татвар, агаарын бохирдлын төлбөр болон автозам ашигласны төлбөр хураах ажлыг энэ оны нэгдүгээр сараас эхлэн зохион байгуулж байна.
Тус захирамжийн дагуу автомашиныг улсын дугаараар ангилан төлөхөөр зохицуулалт хийсэн. Энэ сард 4, 9-өөр төгссөн жолооч нар автомашины албан татвар, төлбөр хураамжаа төлнө. Тэгвэл дөрөвдүгээр сар дуусах гэж байгаатай холбогдуулан татвар хураах 15 цэг уртасгасан цагаар ажиллаж эхэлжээ. Мөн өмнөх саруудад татвараа төлөөгүй иргэдийг ямар нэг торгуульгүйгээр татварыг хүлээн авч байгаа гэнэ.
А.САЯН