Монгол улсын сүүлчийн хааны амьдарч байсан түүхэн өргөө Богд хааны ордон музейн зүүн талын нийтийн эзэмшлийн талбайг Хан-Уул дүүргийн үлгэр жишээ, эко бичил цэцэрлэгт хүрээлэн болгох зорилготой залуус мод тарих сайн үйлсийн аянг өрнүүлэхээр болжээ.
"Органик Монгол" хөдөлгөөнөөс санаачлан хоёр дахь жилдээ өрнүүлэх гэж буй тус аянд өнгөрсөн жил 240 гаруй хүн нэгдэж, 1000 мод тарьсан байна. Залуус Хан-Уул дүүргийн ногоон хөгжилд хувь нэмэр оруулахыг хүсч буй хувь хүн албан байгууллагуудыг аянд нэгдэхийг уриалж буй бөгөөд зөвхөн нэг өдөр мод тариад өнгөрөх бус арчлан тордох, ойр орчмынх нь хөрсийг нөхөн сэргээхээр төлөвлөөд буй ажээ.
А.САЯН
