Өнөө өглөө "Чингис хаан" ОУНБ-д “Транзит танхим”-ын албан ёсны нээлт болж, "Туркиш эйрланс"-ын Стамбул-Улаанбаатар, Улаанбаатар-Бээжингийн эхний зорчигчдоо хүлээн авч эхэллээ. "Чингис хаан" олон улсын нисэх буудал дотоод боломжоо ашиглан транзит танхимд 1.9 тэрбум төгрөгийн тохижилтын ажил хийжээ. Зорчигчдын тав тухыг хангах үүднээс гол танхимуудын зай, талбайг өргөтгөж шинээр тохижуулснаар цагт 800 зорчигч хүлээж авах чадалтай байсан тус нисэх буудал 1,200 зорчигчдод үйлчлэх боломжтой болсон байна. Түүнчлэн хүүхдэд зориулсан тоглоомын өрөө шинээр хийж, тохижуулжээ.
А.САЯН
