Хэдхэн хоногийн ѳмнѳ АНУ-ын хилийг нэвтэрсэн коронавирус ѳдѳр тутам 1-2 хүний амийг "залгиж" байна. Ѳчигдрийн байдлаар 11 хүн нас барсныг АНУ-ын Эрүүл Мэндийн байгууллагаас илтгэлээ. АНУ даяар 150 хүн халдвар авч, хамгийн сүүлчийнх нь Лос Анжелос хотод илэрчээ. -Ѳндѳр настай, бие султай хүмүүс энэ вирусыг даалгүй нас барж байна. Сан Францискогоос Мехико хот руу "Хѳлѳг онгоцны круйз" аялалд багтсан 62 настай хүн энэ ѳвчнийг АНУ-д тээвэрлэгч болох шиг боллоо. Тиймээс энэ аялалд зорчсон бүх зорчигчдыг нэгбүрчилэн эрэн сурвалжлах ажлыг эхлүүлсэн гэж албаны эх сурвалж мэдээллээ. -Вуханааас гаралтай коронавирусаас үүдэн АНУ-д амьдарч оршин буй Ази царайтай хүмүүсийг үзэн ядах, гадуурхах үзэл дэлгэрч буйг ѳѳгшүүлж хэрхэвч болохгүй. Ард иргэдийг арьсны ѳнгѳ үзлээр талцуулах, нийгэмд айдас хүйдэс тѳрүүлсэн мэдээлэл түгээхгүй байх чухал. Тиймээс энэ цаг үед ард иргэдийг бодит амьдрал, үнэнд нийцсэн мэдээллээр хангах нь хэвлэл мэдээллийн байгууллагын эрхэм зорилго байх учиртай гэж АНУ-ын Эрүүл мэндийн хяналтын байгууллагын дарга Солис ард иргэддээ хандаж хэллээ.
Ѳндѳр хѳгжилтэй АНУ-ыг ч коронавирус тойрсонгүй.
О.Гоо-Оюун
