Өнөөдрийн Эрүүл мэндийн яаманд болсон хэвлэлийн хурлын үеэр Францын иргэнд хоол хүргэж өгсөн KFC-гийн ажилтан өндөр халуурсан гэх мэдээлэл үнэн үү? гэх асуухад, ХӨСҮТ-ийн Тандалт судалгааны албаны дарга А.Амбасэлмаа хэлэхдээ " Энэ бол ташаа мэдээлэл, Коронавирусийн халдвартай Францын иргэний хавьтлуудаас халдварын шинж тэмдэг илэрсэн хүн өнөөдрийн байдлаар байхгүй" гэлээ. Харин халдвар авсан 57 настай Францын иргэний Улаанбаатар хотод очсон, зорчсон, байрласан ба орж гарсан бүхий л газарт байсан иргэдийг хоёрдугаар хавьтагч гэж үзэж байгаа бөгөөд, дээрх хүмүүс өөрийгөө ажиглаж, гэртээ 14 хоног тусгаарлагдах шаардлагатай хэмээн зөвлөсөн байна.
О.Гоо-Оюун