Халдвар авсан Франц улсын иргэнтэй 1, 2-р түвшний хавьтагсдын мэдээллийг нягтлах ажил шуурхай явагдсаар байна. ХБНГУ-ын ASB байгууллагын баг ДЭМБ-ын уриалгаар Монгол Улсад мэргэжлийн тусламж, зөвлөгөө өгөхөөр 6 хүний бүрэлдэхүүнтэй ирсэн юм. Тэдгээр мэргэжилтнүүдийг эхний шатны шинжилгээгээр шинэ коронавирус илэрсэн Франц улсын иргэнтэй нэг онгоцонд зорчиж ирсэн гэдэг мэдээлэл гарсан юм.
Харин энэ талаар "ДЭМБ-ийн төлөөлөл Франц улсын иргэнтэй нэг онгоцонд ирсэн нь үнэн. Нэг нь нутаг буцсан. Үлдсэн таван хүн нь ажиглалтын хугацаа үргэлжилж байгаа. Өнөөдөр шинжилгээ авсан. Хариу маргааш гарна" хэмээн Дэлхийн Эрүүл Мэндийн Байгууллагын Монгол дахь салбарын мэргэжилтэн О.Ариунтуяатай мэдэгдсэн байна. Энэ сарын 6-нд тэдгээрийн төлөөлөл болох ХБНГУ-ын “ASB” байгууллагын төслийн зохицуулагч Флориан Хауке УИХ-ын дарга Г.Занданшатартай уулзсан байна.
Мөн тэд Улаанбаатарт энэ сарын 4-нд ХӨСҮТ зэрэг эрүүл мэндийн байгууллага, түүнчлэн орон нутгаар явж бэлэн байдалтай танилцсан аж.
О.Гоо-Оюун