Гуравдугаар сарын 10-нд Монгол улсад оршин суух Францын иргэнээс шинэ коронавирусийн халдвар илэрч Монгол улсад халдварын анхны тохиолдол албан ёсоор бүртгэгдсэн. Гуравдугаар сарын 16 нд Сөүл-Улаанбаатар, Берлин-Москва-Улаанбаатар чиглэлийн тусгай үүргийн нислэгээр ирсэн Монгол улсын гурван иргэнээс халдвар илэрсэн. Дахиад нэг тохиолдол албан ёсоор бүртгэгдлээ. Энэ нь Италиас ирсэн Монгол Улсын иргэн байв. Мөн түргэвчилсэн оношлуураар нэг иргэнээс шинэ коронавирусийн халдвар илэрсэн талаар ХӨСҮТ-ийн захирал Д.Нямхүү мэдээллээ. Ингэснээр Монгол Улсад бүртгэгдсэн зургаа дахь тохиолдол болж байна. Халдвар аль хэдийн ороод ирлээ. Одоо бид яах вэ? Монгол улсын засгийн газар эрүүл мэндийн байгууллага тангараг өргөсөн алба хаагч бүр халдварыг тархаахгүй байх тал дээр бүх хүчээ дайчлан ажиллаж байна. Иймд иргэд та бүхэн үүссэн онцгой нөхцөл байдлын үед төр засгийн шийдвэрийг хүндэтгэн үзэж, эрүүл ахуй, ариун цэврийг чанд сахих. Халдвар авсан иргэдийн талаар элдэв цуу цахим сүлжээгээр тараахгүй байх нь чухал болоод байна.
Т.Хуншагай
