ОБЕГ-ын дарга, генерал Т.Бадрал: "Яг өнөөдрийн байдлаар гадаадад байгаа монголчуудаас долоон хүн коронавирусийн халдвар авсан гэсэн мэдээлэлтэй байна. Үүний хоёр нь Москвад суралцаж буй оюутнууд. ОХУ-д суралцаж байгаа оюутнууд наашаа ирэх хүсэлтээ гаргасаар байгаа. Маргааш Москвагаас 100 гаруй оюутан Улаан-Үдэд ирнэ. Хэрвээ оюутнуудаа авахгүй бол халдварын тохиолдол нь нэмэгдэж байгаа тус бүсэд өвчлөх эрсдэлтэй. Бидний зүгээс Москва, Улаан-Үд, Эрхүү хотод байгаа оюутнуудыг хооронд нь уулзуулахгүй хавьталд оруулахгүйгээр татан авах ажлыг зохион байгуулахаар бэлтгэж байна" гэсэн юм.
Гадаадад байгаа Монголчуудыг сонор сэрэмжтэй, анхааралтай байж өөрсдийн эрүүл мэндийг хамгаалах шаардлагатай байгаа талаар тухайн улсад байгаа Монгол улсын элчин сайдын газруудын зүгээс ухуулга, мэдэгдлүүдийг хийсээр байгаа юм.
О.Гоо-Оюун
