Лхагва гарагт үүрэг гүйцэтгэхээр Атлантын далайд гарсан Францын армийн хамгийн том нисэх онгоц тээвэрлэгч, цөмийн хөдөлгүүртэй “Charles de Gaulle” хөлөг дээр шинэ коронавирусийн халдвар тархжээ. Тус хөлөг онгоц дээр нийт 2000 гаруй цэрэг алба хаадаг. Одоогоор тэдний 50 нь халдвар авсан нь шинжилгээний хариугаар батлагдсан байна. Улмаар хөлөг онгоцыг газар дундын тэнгисийн Тулон боомтод тусгаарлаж, гурван усан цэргийг буулгаж, эмнэлэгт хүргэсэн байна. Халдвартай нь тогтоогдсон бусад усан цэргүүдийн биеийн байдал хэвийн байгааг Францын батлан хамгаалах яам мэдээлэв.
Э.Сувдаа