Өнөөдөр 15 цагийн үед Сонгдо эмнэлэгт хоёр сэжигтэй тохиолдол илэрч ХӨСҮТ-ийн шуурхай баг очиж эмнэлгийг бүхэлд нь тусгаарлаад байгаа талаар эх сурвалжууд мэдээлсэн. Тэгвэл тухайн хоёр иргэнд коронавирусийн хурдавчилсан тестээр шинжилгээ хийхэд эерэг гарсан талаар ЭМЯ-аас мэдээллээ. Халдвар авсан байж болзошгүй хоёр иргэн нь өвөө ач хүү хоёр бөгөөд ач хүү нь хоёрдугаар сарын 23-27-нд Улаан-Үд явсан. Өвөө дээрээ гуравдугаар сарын 20-доор очсон байна.
Хурдавчилсан шинжилгээний хариу буруу гарах магадлалтай тул ПиСиАр аппаратаар нягтлан шалгадаг. Сонгдогийн 2 хүний хариу маргааш албан ёсоор гарна.
Өндөр настай иргэнийг тусгаарлах өрөөтэй тул эмнэлэгт нь тусгаарласан. Нөгөө хүн нь өөрөө явж байгаа тул ХӨСҮТ-д тусгаарласан байна.
Э.Сувдаа
