Монгол Улсын Шадар сайд, Улсын онцгой комиссын дарга Я.Содбаатарын шийдвэрээр наймдугаар сарын 30-нд Казахстан улсын нийслэл Нур-Султан, 31-нд АНУ-ын Сиатл хот руу тусгай нислэг нэмж үйлдэхээр болсон тухай Засгийн газрын Хэвлэл мэдээлэлтэй харилцах хэлтэс өнөөдөр мэдээлэв.
Нур-Султан хот руу нисэхдээ Киргиз улсын нийслэл Бишкек хотод газардаж, хилээ хаасны улмаас тус улсаас нутаг буцах боломжгүй байгаа Монгол Улсын 30 гаруй иргэнийг авах бөгөөд дээрх хоёр нислэгээр нийт 520 орчим иргэн эх орондоо ирэх юм.
Эх сурвалж: МОНЦАМЭ
