БНСУ-д өдөрт илэрсэн тохиолдлын тоо гурван оронтой тоо руу шилжээд долоо хоног орчмын хугацаа өнгөрч байна. Сөүл хотын сүмээс үүдэлтэй халдварт өвчний тохиолдлын тоо нэмэгдсээр буйтай холбоотойгоор лхагва гаргийн байдлаар тус улсад 3 дугаар сараас хойших хамгийн олон тохиолдол илэрсэн байна.
“COVID-19”-н 297 тохиолдол тус улсад нэмж бүртгэгдсэний 283 нь дотоодод халдварласан тохиолдол байжээ. Өвчинд хяналт тавих, урьдчилан сэргийлэх төвийн мэдээлснээр, нийт халдварын тоо 16058-д хүрчээ.
Өнгөрсөн долоо хоногийн хугацаанд халдварын тохиолдлын тоо гурван оронтой тоо руу шилжсэнээр нийт 1300 орчим тохиолдол шинээр бүртгэгдсэн байна. Хамгийн сүүлд БНСУ-д “COVID-19”-н өдөрт илэрсэн хамгийн олон тохиолдол буюу 367 тохиолдол 3 дугаар сарын 8-нд бүртгэгджээ.
Халдварт өвчний тархалтыг цаашид тогтоон барихын тулд тусгаарлалтын дүрэм журмыг эрх баригчид чангатгажээ. Өнгөрсөн пүрэв гарагт тус улсад халдварын 56 тохиолдол илэрч, БНСУ “COVID-19”-н цар тахлыг хяналтандаа авахын даваан дээр байсан юм. Гэсэн ч дараагийн өдөр нь Сөүл хотын сүмээс халдвар илэрснээр халдвар авсан хүний тоо огцом нэмэгдэх болжээ.
Эх сурвалж: СӨҮЛ. /Yonhap/.
