Истанбул-Улаанбаатар чиглэлийн тусгай үүргийн онгоц өнөөдөр өглөө 08:15 цагт Улаанбаатарт газардлаа. Энэ онгоцоор 268 иргэн эх орондоо ирсэн юм.
Улсын Онцгой комиссын шийдвэрээр наймдугаар сард гадаад улс орнуудаас иргэдээ татан авахаар 17 удаагийн тусгай нислэг үйлдэхээр болсноос 10 удаагийн нислэг үйлдээд байна. Өнөөдөр Франкфурт-Улаанбаатарын чиглэлд тусгай онгоц ниснэ.
Ташрамд мэдээлэхэд, энэ сард нийт 17 удаагийн нислэгээр 4240 гаруй иргэнийг эх оронд нь авчрах юм.
Эх сурвалж: МОНЦАМЭ
