Улс орнуудад гарган авч буй коронавирусний вакцинууд дор хаяж 50 хувийн үр дүнг харуулах ёстой гэж Дэлхийн эрүүл мэндийн байгууллагын ахлах эрдэмтэн Сумья Сваминатан мэдэгджээ.
"Вакцин аюулгүй гэсэн шалгууртай нийцэхийн тулд нийт тохиолдлуудын ядаж 50 хувьд нь үр дүнгээ харуулах ёстой. Гуч болон түүнээс бага хувийн үр дүнтэй вакцинуудыг бүртгэн авах нь зохисгүй юм" хэмээн Сваминатан цохон тэмдэглэжээ.
ДЭМБ-ын мэдээлснээр, коронавирусний халдварт өвчинтэй тэмцэхэд зориулж дэлхий дахинд 170 орчим вакциныг гарган авч байна.
Эх сурвалж: ЖЕНЕВ. /TASS/
