Сөүл-Улаанбаатар чиглэлийн тусгай үүргийн онгоц өнөөдөр 08:40 цагт Улаанбаатараас хөөрлөө.
Улсын онцгой комиссын шийдвэрийн дагуу есдүгээр сард нийт 12 удаагийн тусгай нислэг үйлдэж, эх орондоо ирэх хүсэлтэй иргэдээ татан авах ажиллагааг зохион байгуулах шийдвэрийг гаргасан.
Тус онгоцоор 265 хүн иргэн эх орондоо ирнэ. Үүнээс бага насны хүүхэдтэй гэр бүл-53, өндөр настан- асран хамгаалагчтай 35, жирэмсэн- асран хамгаалагчтай 35, эрүүл мэндийн шалтгаантай-27, хөгжлийн бэрхшээлтэй-9, бусад шалтгаантай-106 иргэн байна.
Тусгай онгоц Буянт-Ухаа олон улсын нисэх буудалд 17:00 цагт газардах хуваарьтай байна гэж УОК-ын Шуурхай штабаас мэдээллээ.
Эх сурвалж: МОНЦАМЭ