"Спутник V" вакцины эхний багцыг иргэний эргэлтэнд оруулжээ. Вакцины нийлүүлэлтийг ОХУ-ын бүс нутгуудад ойрын хугацаанд хийх төлөвтэй байгаа тухай Эрүүл мэндийн яамны хэвлэлийн алба мэдээлсэн байна.
“Коронавирусийн халдварт өвчнөөс урьдчилан сэргийлэх "Гам-Ковид-Вак" буюу "Спутник V" вакцины эхний багцын чанарын туршилтыг Росздравнадзор буюу Эрүүл мэндийн салбарын хяналт тавих албаны лабораторид явуулж, иргэний эргэлтэнд оруулсан” хэмээн мэдэгдэлд дурджээ.
Иргэний эргэлтэнд оруулна гэдэг нь багш, эмч нар зэрэг эрсдэлийн бүлэгт хамаарах хүмүүсийг вакцинжуулалтанд хамруулах үйл явцыг вакцины бүртгэлийн дараах эмнэлзүйн туршилттай зэрэг явуулахыг хэлнэ хэмээн ОХУ-ын Эрүүл мэндийн сайд Михиал Мурашк өмнө нь тайлбарлажээ. "Спутник V" вакциныг Ф.Гамалея-гийн нэрэмжит Халдвар судлал, бичил биологийн Үндэсний судалгааны төвийн гарган авсан билээ.
Эх сурвалж: МОСКВА. /TASS/