Пакистаны Ерөнхий сайд Имран Хан БНХАУ-ын “Sinopharm” компанийн “COVID-19”-ийн вакцины эхний тунг пүрэв гарагт хийлгэжээ.
“Өдгөө 68 настай И.Хан Исламабад хотод “COVID-19”-ийн вакцин тариулсан” гэж Ерөнхий сайдын Эрүүл мэндийн асуудал хариуцсан туслах Фейсал Султан мэдээлсэн байна.
Пакистаны Ерөнхий сайд 60-аас дээш насныхныг хамруулж буй вакцинжуулалтын хоёрдугаар ээлжийн хүрээнд ийнхүү вакцин хийлгэжээ.
Даваа гарагт Пакистаны Ерөнхийлөгч Ариф Альви, гэргий Самина Альвийн хамт Исламабадад “Sinopharm”-ын вакциныг тариулсан юм.
Пакистан хоёрдугаар сарын эхээр БНХАУ-ын Засгийн газраас хандивласан “Sinopharm”-ын вакциныг хүлээн авсан даруйдаа вакцинжуулалтын хөтөлбөрөө албан ёсоор эхлүүлж, эмнэлгийн ажилтнуудыг эхний ээлжид хамруулжээ. Тус улс БНХАУ-аас хандивласан “COVID-19”-ийн вакцины хоёр дахь хэсгийг лхагва гарагт хүлээн авсан байна.
Эх сурвалж: ИСЛАМАБАД. /Xinhua/
