Төв аймгийн Баян, Баянжаргалан, Баянцагаан, Мөнгөнморьт сумдад малын гоц халдварт шүлхий болон цэцэг өвчний дэгдэлттэй байгаатай холбогдуулан Онцгой байдлын газар, Төв аймгийн цагдаагийн бие бүрэлдэхүүн хорио цээрийн дэглэм тогтоон, өндөржүүлсэн бэлэн байдалд ажиллаж байна.
Малчид үхсэн малын махыг хууль бусаар зарж борлуулах хориотой гэдгийг мэдсээр байж устгалд оруулахаас өмнө Улаанбаатар руу зарж борлуулахыг зорисон цөөнгүй тохиолдол илэрчээ. Иймд иргэд, олон нийт мах худалдаж авахдаа гарал үүслийн болон шинжилгээний бичгийг нягталсны дараа худалдан авч байхыг холбогдох байгууллагаас анхааруулж байна.
А.САЯН