Хүнс хөдөө аж ахуй хөнгөн үйлдвэрийн сайд П.Сэргэлэн Тариалан эрхлэлтийг дэмжих сангийн үйл ажиллагаатай газар дээр очиж танилцлаа. Тариалан эрхлэлтийг дэмжих сангийн үйлдвэрлэлийн болон нефтийн бааз тариаланчдыг техник хэрэгслээр хангах, хадгалах, засвар үйлчилгээ хийх, сэлбэг эд ангийг сэргээн засварлах чиглэлээр ажиллаж байна. ХХААХҮ-ийн сайд П.Сэргэлэн Токарын цех, Моторын цех, Мужааны цех, Цахилгааны цех, Хүлэмжээр орж нөхцөл байдалтай танилцаж Тариалан эрхлэлтийг дэмжих сан, үйлдвэрлэлийн болон нефть баазын удирдлага, ажилтнуудтай уулзалт зохион байгуулсан юм.
Уулзалтын үеэр Тариалан эрхлэгчдийг дэмжих явцад Хөдөө аж ахуйн зарим техник тоног төхөөрөмжийг тариаланчдад хүргэхэд төсвийн мөнгөөр авсан техник тоног төхөөрөмж борлуулахад бэрхшээл тулгардаг гэдгийг Тариалан эрхлэгчдийг дэмжих сангийнхан онцоллоо. Өнгөрсөн 4 жилийн хугацаанд тус баазад ирсэн зарим тоног төхөөрөмжийг ил байлгаснаас зэвэрч ашиглахад хүндрэлтэй байдал үүссэн байна. Тиймээс Тариалан эрхлэгчдийг дэмжих сангийн Үйлдвэрлэлийн баазын шинэ удирдлага ажилтнууд хөдөө аж ахуйн техник тоног төхөөрөмжийг төрөлжүүлэн граж, агуулахад байршуулжээ. Хүнс хөдөө аж ахуй хөнгөн үйлдвэрийн сайд П.Сэргэлэн уулзалтын төгсгөлд Тариалан эрхлэлтийг дэмжих сан, Үйлдвэрлэлийн бааз тариалан эрхлэгчдийг хөнгөлөлттэй нөхцөлөөр хөдөө аж ахуй техник төхөөрөмжийг авах боломж, мэдээллээр тасралтгүй хангаж хамтран ажиллахын үүрэг болгосон юм.