Ихэнх эмэгтэйчүүд чин зүрхнийхээ эзэнтэй учирч, түүнтэйгээ насан туршдаа хамтдаа аз жаргалтай амьдрахыг хүсдэг. Гэвч яагаад зарим эрчүүд эмэгтэйчүүдийн хүлээлтэнд хүрэлгүй, сайн эр нөхөр болж чаддаггүй вэ? Одон орон судлаачид зарим эрэгтэй зурхайн ордууд хайр дурлалын харилцаа болон амьдралд асуудал үүсгэж, аз жаргалаас хойш татдаг болохыг хэлж байна.
Хамгийн аюултай эрэгтэй зурхайн 3 орд
1. ХОНЬ Зөрүүд, амиа хичээсэн энэ ордынхон таны амьдралыг тэр дор нь там болгож хувиргана. Хэдийгээр Хонинууд өөрийнхөө бурууг мэддэг ч, тэд үргэлжлүүлэн хэрүүл хийж, өөрийгөө зөвтгөсөөр байдаг – энэ бол тэдний баримталдаг зарчим. Хонинуудын ертөнцөд ердөө 2-хон бодол л байдаг: тэдний зөв эсвэл бусдын буруу. Үүнээс гадна энэ ордын эрчүүд ширүүн зан ааштай, түргэн ууртай. Тэдний уур уцаар болон зан ааш нь гэнэт өөрчлөгддөг тул өдөр бүр Хонинуудтай учир зүйгээ ололцох амаргүй байдаг.
2. ХИЛЭНЦ Эдгээр эрчүүд бусдыг эрхшээлдээ оруулах сонирхолтой. Тэд төрөлхийн хартайгаас гадна, хажуу дахь хүнээсээ маш их зүйлийг шаарддаг. Хилэнцүүд хүчтэй, бие даасан хүмүүс учраас хайртай хүнээ өөрийн эрхшээлд байлгах дуртай байдаг. Тэдэнтэй хайр дурлалын харилцаа бий болгоход, танд яг л олон ангит савангийн дуурьд тоглож байгаа мэт санагдана. Хэрэв та нам гүм, тайван амьдралыг хүсэж байвал Хилэнцийн ордын эрэгтэй танд яав ч тохирохгүй.
3. ХУМХ Яагаад энэ зурхайн орд хор хөнөөлтэй вэ гэвэл, ихэнхдээ биеэ даасан шинж чанартай байдгаас гадна, өөрийнхөө эрх чөлөөг бүхнээс дээгүүрт тавьдаг. Тэд нөхөрсөг бас ойлгоход амархан хүмүүс юм шиг санагддаг боловч Хумхууд ихэвчлэн амиа бодож, хүйтэн хөндийн хандлага гаргахаас гадна, хуурамч баг зүүдэг. Хумхууд хажуу дахь хүндээ анхаарал халамж хомс тавьдаг. Өөрөөр хэлбэл хумхын ордын эрчүүд үүрэг хариуцлага хүлээх туйлын дургүй.
Мэдээж хэнтэй хайр дурлалын харилцаа бий болгохоос шалтгаалж, ирээдүй хэрхэх нь тодорхой болдог. Гэхдээ дээрх зурхайн ордууд ямар нэгэн байдлаар аюултай эрчүүдийн тоонд багтдаг байна. Танд эдгээр хүмүүстэй хайр дурлалын харилцаа бий болгож, ямар нэгэн асуудалтай нүүр тулгарч байсан тохиолдол бий юу?
