Сонгууль хаяанд ирлээ. Нэр дэвшигчид сонгуулиар хэрхэн ялалт байгуулж суудалтай үлдэх тухайгаа аль хэдийн бодоод эхэлчихсэн. Зарим нь нөгөө өөрийнхөө зураг, хөрөгтэй аяга таваг, календариа оноос өмнө тараагаад эхэлчихсэн сурагтай байсан. За тэр аяга таваг ч яахав. Цаана чинь нэг нөхөр нэг нэг сая төгрөг 1000 хүнд өгөөд, их хурлын гишүүн болчихжээ. Энэ талаар УИХ-ын гишүүн О.Баасанхүү “Манай 76 дотор ийм хүн байна. Тэр хүн чинь 83 тэрбумтай юм чинь яах юм. Өмнө нь орд газар хулгайлаад жаахан хувиа зарчихгүй юу. Нэг тэрбумыг тараалаа гээд тэр хүн чинь 82 тэрбум төгрөгтэй л болно биз дээ. Энэ бол тэдэнд их мөнгө биш. Ирэх сонгуульд ийм аргаар гарчихна гэсэн бодолтой ихэнх нь сууж байгаа юм билээ” гэж “Өдрийн сонин”-д ярилцлага өгчээ.
А.ТҮВШИН