Сонгууль хаяанд тулжээ. Эрх баригч намд ард иргэд дүн тавих цаг иржээ. Намууд тактикаа боловсруулж дуусаагүй л байна. Нэр дэвшигчдээ тохирсон гэх боловч, нэрсийг эцэслэн соёрхох удирдлагын шийдвэр гаргах хурлаа хараахан хийгээгүй байна. Хэн хэнтэй эвсэхээ ч эцэслэж чадахгүй тийм л дүр зурагтай сонгуулийн барианд тулж ирлээ. Судалгааг хэсэгчлэн хийх ажлаа зогсолтгүй үргэлжлүүлж, түүн дээр тулгуурласан шийдвэр гаргахыг чармайсаар. Судалгаа, эрх барьж байсан, эрх барьж байгаа намуудад тааламжгүй дүн гарч байгаад эрх баригч болон эрх барьж байсан намынхан түгшиж байна.
Монголчууд намд итгэх итгэл ихээхэн буурчээ. Түүхэндээ байгаагүй төвшинд хүрлээ гэдэг дүнг сүүлийн хэд хэдэн судалгааны дүн харуулах болжээ. Ард түмнийхээ, улс орныхоо хөгжлийн төлөө ажиллахгүй ард иргэд ч бас хариуцлага тооцох чадвартай гэдгээ бага сагаар мэдрүүлж эхэллээ.
Д.ГАНТУЛГА
