ДЭЛХИЙН ХАМГИЙН ТОМ ДИЗЕЛИЙН ҮЙЛДВЭР МОНГОЛД САЛБАРАА НЭЭНЭ

2016-03-11  

Нийслэлийн Засаг дарга бөгөөд Улаанбаатар хотын Захирагч Э.Бат-Үүл АНУ-ын Камминс Монголиа инвестмент ХХК-ийн захирал Стив Рөүзийг хүлээн авч уулзлаа. Уулзалтад Нийслэлийн Тээврийн газрын дарга Ч.Энхбат, Номин Холдинг ХХК-ийн  үйлдвэрлэл хариуцсан гүйцэтгэх захирал Д.Жаргалсайхан нар оролцлоо. АНУ-ын Камминс Монголиа инвестмент ХХК-ийн захирал Стив Рөүз “Бидний хүсэлтийг хүлээн авч уулзаж байгаа танд талархал илэрхийлье. Манай компани нь дэлхийн хамгийн том дизелийн үйлдвэр төдийгүй өнгөрсөн жилд 19 тэрбум долларын ашигтай ажилласан. Дэлхий даяараа эдийн засгийн байдал амаргүй байгаа ч бид төлөвлөгөөндөө хүрч амжилттай ажилласаар байгаа. Монгол дахь албан ёсны салбараа нээх гэж байгаа бөгөөд 2016 оны 03 дугаар сарын 25-ны өдөр нээлтээ хийж, үйл ажиллагаагаа эхлүүлэх гэж байна. Та бүхэнтэй бид хамтран ажиллах хүсэлтэй байгаа” гээд Хотын даргыг нээлтийн ажиллагаанд хүрэлцэн ирэхийг урилаа. Нийслэлийн Засаг дарга “Монгол Улсад албан ёсны салбараа нээх гэж буйд маш таатай байна. Би нээлтийн ажиллагаанд заавал очно. Дэлхийн  шилдэг компанитай хамтран ажиллах болсонд их баяртай байна. Яг үнэндээ манай нийтийн тээврийн асуудалд тийм ч сайнгүй байгаа. Бид ажлаа авснаас хойш сайжруулахаар ажиллаж байна. Өмнө сонирхлын зөрчлөөс шалтгаалан шат шатандаа асуудал нь хүндэрсэн байсан. Хэрэв АНУ-д байсан бол манай автобуснууд бүгд ашиглалтаас гарчих байсан. Тиймээс нийтийн тээврийг сайжруулж, парк шинэчлэлт хийхэд танай болон дотоодын Экологбуус ХХК-тай хамтран ажиллах боломжтой. Дэлхийн хамгийн том дизелийн компани албан ёсоор ажиллаж эхэлж байхад бид чанарт бүрэн итгэж болно гэж ойлгож байна” гэлээ. Цаашид хэрхэн хамтарч ажиллах талаар харилцан санал солилцож, судалгаа хийхээр тохиролцлоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
ШУУРХАЙ: АГААРЫН БОХИРДЛЫГ БУУРУУЛАХ ДУЛААН ХУРИМТЛУУРЫН ТЕХНОЛОГИЙГ ӨНӨӨДӨР ИРГЭДЭД ТАНИЛЦУУЛНА
ШУУРХАЙ: УЛААНБААТАРТ ӨНӨӨДӨР ШӨНӨДӨӨ ЯЛИМГҮЙ ЦАС ОРЖ, ӨДӨРТӨӨ -5…-7 ХЭМ ХҮЙТЭН БАЙНА
КЕМБРИЖИЙН ХӨТӨЛБӨРТЭЙ ТӨРИЙН ӨМЧИЙН 12 АХЛАХ СУРГУУЛЬ БАЙГУУЛНА
ЭНЭ ӨВӨЛ ОЛОН ЖИЛИЙН ДУНДЖААС 5 ХЭМЭЭР ХҮЙТЭН БАЙЖ, 330 СУМААС 290 НЬ ЗУДЫН ЭРСДЭЛТЭЙ БАЙНА
ШУУРХАЙ: УЛААНБААТАРТ ӨНӨӨДӨР ЯЛИМГҮЙ ЦАС ОРЖ, ӨДӨРТӨӨ 6–8 ХЭМ ХҮЙТЭН БАЙНА
ӨВЛИЙН ХАЛТИРГААНААС СЭРГИЙЛЭХ ЗӨВЛӨГӨӨ: УЛААНБААТАРТ 63.47 КМ ЗАМ ШИНЭЧЛЭГДЖЭЭ, ГЭХДЭЭ АНХААРАЛ БОЛГООМЖ ХЭРЭГТЭЙ ХЭВЭЭР
ТӨРИЙН АЛБАН ХААГЧДЫН ТӨВИЙН БҮСИЙН УУЛЗАЛТ ДАРХАНД БОЛЖ, ЁС ЗҮЙН ҮЗҮҮЛЭЛТ 54.2 ХУВЬД ХҮРСНИЙГ ТАНИЛЦУУЛЛАА
ХУУЛЬ БУС АЛТ ОЛБОРЛОЛТООС 10.8 ТЭРБУМ ТӨГРӨГИЙН ХОХИРОЛ УЧИРЧ, 5.3 ТЭРБУМИЙГ НӨХӨН ТӨЛҮҮЛЖЭЭ
ЦАСАН ШУУРГА, ЭРС ХҮЙТРЭЛ АЙСУЙ: 16-17-НД ЗАМ, ДАВААНД ХАЛТИРГАА ҮҮСНЭ
«СААДГҮЙ ОРЧИН»-Ы АНХДАГЧ ХУУЛИЙГ ӨРГӨН БАРИЛАА: 70 МЯНГАН ХӨГЖЛИЙН БЭРХШЭЭЛТЭЙ ИРГЭНЭЭС ЭХЛЭЭД 1 САЯ ГАРУЙ ХҮНД ХҮРНЭ
Шинэ мэдээ
Санал асуулга
ГАДААД УЛСЫН АЖИЛЧИДАД ХЯЗГААР ТОГТООХГҮЙГ ТА ДЭМЖИЖ БАЙНА УУ?