Монголын уламжлалт анагаах ухааны онцлогийг харуулсан, ховор нандин үзмэр бүхий музейг АШУҮИС-ийн Монгол анагаах ухааны институтэд нээлтээ хийлээ. Тус музейг монголчуудын 5000 гаруй жилийн түүхтэй уламжлалт анагаах ухааны сурталчлах, өв соёлыг хадгалж хамгаалах зорилгоор байгуулжээ. Музейд “Ганжуур” “Данжуур”-ын 320 ботийг залснаас гадна, Монголчуудын бүтээсэн 50 гаруй судар ном, амьтан, ургамлын гаралтай 300 гаруй эмийн түүхий эд, Монгол маарамбуудын ашиглаж байсан багаж хэрэгсэл зэрэг 1000 гаруй үзмэр дэлгэжээ.
А.САЯН