Манай улсын эрүүл мэндийн салбар улаан бурхан, нүдний ханиад, салхин цэцэг, томуу болон томуу төст өвчнийг хяналтаасаа алдаад байгаа тухай мэдээлэл олны анхаарлыг татаад байна. Оны эхний хоёр сард 10 гаруй хүүхэд улаан бурхан өвчнөөр эндэж, 6100 гаруй хүүхэд халдвар аваад байгаа юм. Халдвар авсан хүүхдийн олонхийг 0-1 насныхан эзэлж байна. ХӨСҮТ-ийн халдварын тасгийн 330 орон дээр 400 гаруй өвчтөн хэвтэн эмчлүүлж хүрэлцээ хангамж маш муу байгаа талаар Монголын хүүхдийн төлөө байгууллагын ҮХ-ны тэргүүн Д.Авирмэд мэдэгдсэн байна. Тус эмнэлгийнхэн бусад өвчтөн хэвтэн эмчлүүлэх тасгуудаа зөвхөн улаан бурхантай өвчтөнд зориулан гаргаж байгаа талаар мөн тэрээр мэдэгджээ.
Х.ЭГШИГЛЭН