Ийм мөрөөдлийн тоог Баасанхүү хүсэж байна. Зүгээр ч нэг хэлээгүй байх. Энэ хоёр нам эвсвэл 60 суудал авна гэсэн тооцоо гарсан бололтой юм. Шударга ёс эвсэл 2012 онд авсан суудлаа дор хаяж 50% нэмнэ гэж үзэж байна гэж болно. Харин МАН-тай эвсвэл хамтраад дийлэнх олонхи болж, засгийн эрхийг барина гэж төсөөлж байна. Намын даргаасаа зайгаа аваад байсан Баасанхүү сүүлийн үед нам руугаа ойртож, даргаа тойрон хүрээлэх болсон нь дахиад нэр дэвшчих, улмаар гишүүнийхээ бүрэн эрхийг үргэлжлүүлчих хүсэлтэй нь холбоотой гэж ойр тойрныхон ярьж байна. Тэр Эрдэнэт рүү гүйдэлтэй болсон. Эрдэнэтээс сонгогдоход хялбар, хүчтэй өрсөлдөгч байхгүй гэдэг судалгаа гарсан байна. Тэгээд ч түүнд эвслээ орхисон Цогийн тойргийг сонгох боломж олгосон гэсэн мэдээлэл байна.
Ц.ОТГОН