Та түүнийг эсэргүүцэх эрхгүй. Банкныхан яаж ч эсэргүүцээд нэмэргүй гэдгийг ойлгосон байх ёстой. Яагаад гэвэл Монгол банкны ерөнхийлөгчийг УИХ томилдог. Та эсэргүүцвэл ажлаа өгч болно. Энэ бол дээд хүмүүсийн хэлдэг үг. Тиймээс Монгол банкнаас маргаан дагуулсан ипотекийн зээлээ олгож эхэллээ. Энэ тухай мэдээллийг Монгол банкны ерөнхийлөгч биш, харин хэвлэлийн төлөөлөгч хийж буй нь олны анхаарлыг татлаа. Ерөнхийлөгч нь хаяагаа манав уу? гэж дүгнэхэд хүргэж байна. УИХ-ын дарга бол АН-ын дарга. Эрх баригч намын даргын хувьд эрх баригч байр сууриа хадгалах үүрэгтэй. Ямар ч үнээр хамаагүй ялалт байгуулах гэдэг бол 2016 оны УИХ-ын сонгуулийн зорилт. Ипотекийн зээлийг АН-ын сонгуулийн гол хөзөр ч гэж нэрлэж байгаа нь санамсаргүй хэрэг биш юм. Ипотекийн зээлийн сургаар ам.долларын ханш ч өслөө. Монгол банкны болгоомжлол зөв байсан юм биш үү..?
Б. ЦЭБЭ