Таван толгойн ордыг эргэлтэд оруулах асуудлаас болоод УИХ -ын дарга З.Энхболд хэд хэдэн удаа М.Энхсайхан сайдыг Засгийн газраас хөөнө гэж чуулганы хуралдаан дээр хэлж байсан үе бий. Гэхдээ хөөж чадаагүй. Одоо бүр ч хөөхгүй. Яагаад гэвэл, одоо З.Энхболд гуйж, М.Энхсайхан гэдийж буй үе. Аль аль нь шазруун зантай. Манай намд нэгд гэснийг нь "Ярилцая, нөхцөлөө" гэдэг үгээр тагласан. Улс орны эдийн засгийг " З.Энхболд Та унагалаа шүү" гэж шууд хэлээгүй ч, "Өөрөө чадахгүй, өрөөлийг ажил хийлгэдэггүй тийм хүмүүс том намын дээр гарвал улс орны ирээдүй бүрхэг болох нь гарцаагүй" гэж хэлсэн үгийг нь АН-ын дарга З.Энхболдод хаяглалаа гэж ойлгож болохоор байна. МҮАН тоглолтын санаачилгыг гартаа авахыг хүсэж байна. Тус намын генсек Цогтгэрэлийн үгнээс ч тэгж ойлгож болохоор байсан. Харин маш том эвсэл байгуулна гэж Энхсайханы хэлсэн үгийг яаж ойлгох вэ? Парламентад байгаа бүх нам нэгдэж нэг хүчин болох гэж байгаа юм биш биз дээ гэж бодоход хүрлээ. Нөгөө талд нь ард түмэн байх уу, тэгвэл.
Ц.ЭНХБАТ