Хөвсгөл аймгийн Цагдаагийн газар ирвэс хамгаалагч, биологич Т.Лхагвасүмбэрэл агсны хэргийг шалгаж байгаа. Уг хэрэгтэй холбоотой мэдээллийг 7038102 тоот утсаар авч нууцална гэдгээ мэдэгдлээ. Талийгаач Т.Лхагвасүмбэрэл Улаанбаатараас Хөвсгөлийн чиглэлд УБМ 1339 улсын дугаартай саарал өнгийн “парадо” маркийн автомашинтай явах үедээ Мөрөн сумын VII хорооны нутаг дэвсгэрт байрлах “Петровис” компанийн шатахуун түгээх станцаас шатахуун авч буй бичлэг үлдсэн аж. Иймд тухайн цаг хугацаанд талийгаачтай тааралдсан, харсан, уулзсан, хүн болгон үйлчлүүлсэн дэлгүүр, цайны газрын мэдээллийг цуглуулахаар ажиллаж байна.
А.САЯН