Улсын дээд шүүхийн Иргэний хэргийн танхимын шүүх хуралдаанаар өнөөдөр “Хөдөлмөрийн үндэсний нам”-аас ирсэн шинээр сонгогдсон намын даргыг бүртгүүлэх тухай хүсэлтийг хэлэлцлээ.
Шүүх хуралдаан дөнгөж сая шийдвэрээ гаргаж, нэг намаас хоёр даргын нэр бүртгүүлэх хүсэлт нь Улс төрийн намын тухай хуулийг зөрчиж байгаа учраас Б.Найдалаагийн хүсэлтийг түдгэлзүүллээ. Иймд өмнө нь ХҮН-ын даргаар ажиллаж байсан С.Боргил албан тушаалдаа хэвээр үлдэж байна. Хөдөлмөрийн үндэсний нам энэ сарын 2-ны өдөр Төв хорооны ээлжит бага хурлаа хийж, Б.Найдалааг тус намын даргаар сонгоод байсан юм.
А.САЯН