“Мах март” мах боловсруулах үйлдвэрийг “Баянхонгор констракшн” ХХК 2.3 тэрбум төгрөгийн төсөвт өртгөөр, өөрийн хөрөнгөөр гүйцэтгэж, ашиглалтад оруулжээ. Тус үйлдвэр бүрэн хүчин чадлаараа ажиллахад өдөрт 600 бог, 80 бод боловсруулах аж. Цаашид хүчин чадлаа нэмэгдүүлэн хиамны үйлдвэр, өлөнгийн цех, мах хөлдөөх, агуулах, цусны болон ясны гурил хийх зэрэг боловсруулах үйлдвэрлэл эрхлэх юм байна. Өнөөдрийн байдлаар таван аймаг Бургастайн боомтоор мах экспортлож байгаагийн нэг нь Баянхонгор аймаг юм.
А.САЯН
