УИХ-ын дарга З.Энхболд : Нэг намын төлөө ажилладаг Цагдаагийн байгууллагатай байсан бол одоо нэг компанийн төлөө ажиллаж байна. УИХ-ын дарга З. Энхболд Архангай, Өвөрхангай, Говь-Алтай, Баянхонгор аймгуудад ажиллаж байгаа. Тэрээр иргэдтэй уулзах уулзалтын үеэрээ улс төрд үүсээд байгаа өнөөгийн нөхцөл байдлын талаарх иргэдийн асуултад “MCS” гэдэг компанийн мэдлийн цагдаагийн даргатай болсон хэмээн ярьжээ.
Тэрээр цааш нь “Хуулийн байгууллагыг улс төрийн зорилгоор ашигладаг цаг өнгөрч. Харин ч хувийн ашиг сонирхолдоо ашигладаг хүмүүс байна. Энэ асуудал хэрээс хэтэрсэн. Нэг улс төрийн намын төлөө ажилладаг цагдаагийн байгууллагатай байсан бол одоо нэг компанийн төлөө ажиллаж байна” гэх зэргээр ярьсан байна.
Х. АЯЛГУУ