Шударга өрсөлдөөн хэрэглэгчийн төлөөх газраас шатахууны үнэ 100 хүртэлх төгрөгөөр буурах бүрэн боломжтой талаар сэтгүүлчдэд мэдээлэл хийлээ.
ШӨХТҮГ-аас хийсэн шалгалтын дүнг үндэслэн Улаанбаатар хот орчмын шатахуун түгээх станцуудаар худалдаалагдаж буй А-80, АИ-92 автобензин, дизель түлшний одоогийн үнийг 50-100 төгрөгөөр бууруулах боломжтой болжээ.
Дэлхийн зах зээл дээрх газрын тосны үнийн бууралттай холбоотойгоор үнийг зайлшгүй бууруулах шаардлагатай байгаа бөгөөд хэрвээ шатахууны үнийг 100 төгрөг хүртэл буулгаж чадвал өргөн хэрэглээний бараа бүтээгдэхүүний үнэ 10 орчин хувиар буурах боломжтой.
Тиймээс импортлогч компаниуд ухамсартай байж шатахууны үнээ буулгана гэж найдаж байна. Хамгийн түрүүнд шатахууны үнээ буулгасан компанийг ШӨХТГ-аас "Хэрэглэгчээ дээдэлсэн ААН-ээр өргөмжилнө" хэмээн ШӨХТҮГ-ын дарга Д.Мөнхтөр онцоллоо.
А.САЯН