Улаан бурхан өвчний халдвараар ХӨСҮТ-д хэвтэн эмчлүүлэгчдийн тоо ч сүүлийн өдрүүдэд буураагүй байна. Энэ өвчнөөр 0-10 сартай, эсвэл 15-28 насны залуучуудад түгээмэл оношлогдож байгааг ХӨСҮТ-ийн олон нийттэй харилцах албаны дарга онцоллоо. Иймээс улаан бурхан өвчлөлөөс урьдчилан сэргийлэх вакциныг уг халдвараар өвчилсөн хүний дэргэд байсан буюу голомтод буй иргэд заавал хийлгэх шаардлагатайг тус төвөөс анхааруулж байна. Улсын хэмжээнд 70 мянган тун вакцин байгаа бөгөөд үүнээс 40 гаруй мянгыг нь аймгуудад тараажээ. Халдварын голомт Улаанбаатар хотод хамгийн их байгаа юм. Мөн хүн ихээр зорчдог зам дагуух Сэлэнгэ, Дорноговь зэрэг аймгуудад өвчлөл их гарч байгаа аж. Халдварт өвчин судлалын үндэсний төвд 23-ний өдрийн байдлаар нийт 323 өвчтөн улаан бурхнаар өвдлөө гэж тусламж авахаар хандаад байна.
Х.АЯЛГУУ