Тэр сүүлийн үед маш идэвхтэй байсан. Намын даргаа өмгөөмж хэвлэлийн бага хурал зарлаж, АТГ-тай заргалдаж, хэвлэлээр АТГ-ыг шүүмжилсэн цуврал ярилцлага өгсөн. Тэр намын даргынхаа хамгийн итгэлтэй хүн болжээ гэж хөндлөнгийн ажиглагчдын үзэж байсан нь оргүй биш байжээ. Үүнийг намын бага хурал баталлаа.
Ер нь намын дэд дарга, ерөнхий нарийн бичгийн дарга, нарийн бичгийн даргыг сонгох үйл ажиллагаа дээрээс чигтэй явлаа гэж судлаачид дүгнэж байна. Ямар ч гэсэн Н.Энхбаяр өөрийн гэсэн тодотголтой Ж.Сүхбаатар, Эрдэнэжамьян нарыг намынхаа өдөр тутмын үйл ажиллагааг хариуцуулах чухал байршилд байрлууллаа. Эрдэнэжамъяны хувьд, Энхбаяр ба түүний гэр бүлд үнэнч гэдгээ удаа дараа харуулсан тул энэ удаагийн УИХ-д сонгогдох хамгийн таатай нөхцөл түүнд оногдоно гэж баттай эх сурвалж мэдээллээ. Нам дотроо байр сууриа бэхжүүлэх намын бага хурал намуухан өндөрлөв.
Д.ЭНХТҮВШИН