.png)
Улсын дээд шүүхийн Иргэний хэргийн танхимын шүүх хуралдаанаар ХҮНамын даргаар бүртгүүлэх хүсэлтэд нэг намаас хоёр даргын нэр бүртгүүлэх хүсэлт нь Улс төрийн намын тухай хуулийг зөрчиж байна гэж үзээд түдгэлзүүлсэн. Тэгвэл өчигдөр болсон ХҮНын төв хорооны гишүүдийн хуралдаанаас С.Ганбаатар өөрийн хүсэлтээр чөлөөлөгдөх хүсэлтээ гаргажээ. Харин түүний оронд Т.Ганболдыг томиллоо. Т.Ганболд нь бизнесийн салбарын нэгэн бөгөөд чадварлаг удирдагч юм. Ийнхүү олны анхаарлын төвд байсан ХҮНамын асуудал нэг тийш болж байгаа бололтой.
Т. Ганболд гэж хэн бэ ? Тэрээр “Алтан дорнод Монгол” компани байгуулсан цагаас эхлээд багагүй саад, олны хэл аманд өртсөн нэгэн. Түүнийг Худалдаа аж үйлдвэрийн танхимын дарга асан С.Дэмбэрэлийн төрсөн эгч С.Маналдуламын хүү гэдгээр нь хүмүүс мэддэг. Монголын бизнесийн салбарт өөрийн гэсэн байр сууриа эзэгнээд авсан тэрээр хэд хэдэн удаа АТГ-т шалгагдаж байсан ажээ.
Ц. БАТТУЯА
