Дэлхийн эмч нарын өдөр өнөөдөр тохиож байна. Тэмдэглэлт өдрийн хүрээнд хүн ардынхаа эрүүл мэндийн төлөө тангараг өргөсөн алтан гартай эмч нарт “Алтан чагнуур” шагналыг гардууллаа. Тус ёслол хүндэтгэлийн арга хэмжээнд Монгол Улсын Шадар сайд, Эрүүл мэнд, спортын сайдын үүрэг гүйцэтгэгч Ц.Оюунбаатар, Төрийн нарийн бичгийн дарга С.Ламбаа болон МҮЭХ-ны Ерөнхийлөгч Х.Амгаланбаатар нар оролцож шилдэг эмч нарыг алдаршуулж тэдний цаашдын ариун үйлсэд өндөр амжилт хүслээ.
Гэмтэл, мэс засал судлал төрлийн “Алтан чагнуур”-ын эзнээр УКНЭ-ийн булчирхайн мэс заслын тасгийн эмч Ц. Ишдорж
Дотор судлалын төрлөөр Дорноговь аймгийн Нэгдсэн эмнэлгийн зөвлөх эмч Ц.Алтанцэцэг
Өрх, сумын шилдэг эмчийн төрөлд Төв аймгийн Дэлгэрхаан сумын Эрүүл мэндийн төвийн эрхлэгч С.Хүрэлтогооч
Нүд, чих, хамар, хоолойн өвчлөлийн төрөлд Баян-Өлгий аймгийн Нэгдсэн эмнэлгийн нүдний тасгийн эмч В.Кулыза нарын хүмүүс “Алтан чагнуур”-ын эздээр тодорлоо.
Л. ГАНТУЯА
