Улс төрчид юу ч гэж гоё донгодож болно. Харин эдийн засаг бол хоосон гоё үгээр халхавчилж болдоггүйгээрээ улс төрөөс даанч ялгаатай. Статистикийн газар ямар ч судалгааг танилцуулсан гэлээ, ард түмэн өөрийн хэмжүүртэй. Тэр барометр нь ам.долларын ханш юм. Ам.долларын ханш улам чангарч 2055 төг хүрлээ. Энэ бол төгрөгийн худалдан авах чанар унаж, инфляц өсөж, иргэдийн худалдан авах чадвар доошилж байгаагийн нэгэн дохио. Украйнд улс төрийн мөргөлдөөн болж, Сомалид халдварт өвчин дэгдсэний улмаас, Орост эдийн засгийн хориг тавьсны улмаас валютын ханш өссөн судалгаа байдаг. Тэгвэл, халдварт өвчин дэгдээгүй, улс төрийн мөргөлдөөн болоогүй, хориг тавиулаагүй Монгол улс яахаараа ингэж хямардаг билээ? Монголд засаглалын хямрал болжээ. Муу засаглал гэж юу байдгийн балагийг Монголын ард иргэд ийнхүү үүрсэн байна.
Ц.ХИШГЭЭ